Spurt og svarað um húsnæðisbætur

Já. Þú breytir bankaupplýsingum á mínum síðum undir stillingar.
Einnig er hægt að hafa samband í gegnum fyrirspurnir á mínum síðum, með tölvupósti á netfangið husbot@ils.is eða í síma 569-6900.
Athugaðu að einungis er hægt að leggja inná bankareikning í eigu umsækjanda.

Ef ekki er skerðing vegna leigufjárhæðar þá er ekki tilefni til að endurskoða útreikning þó leigufjárhæð hafi verið röng á lokauppgjöri í ljósi þess að það hefur ekki áhrif á útreikning.

Húsnæðisbætur geta aldrei verið hærri en sem nemur 75% af þeirri leigufjárhæð sem er greidd fyrir leiguafnot af húsnæði. Aðrar greiðslur sem leigjanda ber að greiða samkvæmt samningi eða lögum, svo sem fyrir hita, vatn, rafmagn, hússjóð, viðhald o.fl., teljast ekki til leigufjárhæðar.  

Ef skerðing er á húsnæðisbótum vegna leigufjárhæðar og sú leigufjárhæð er ekki rétt í lokauppgjöri en hefur áhrif á útreikning húsnæðisbóta þarf að skila inn gögnum sem sýna fram á hver greidd húsaleiga var á umræddu tímabili. 

Útreikningurinn byggir á öllum skattskyldum tekjum heimilismanna 18 ára og eldri. Skattskyldar tekjur eru meðal annars atvinnutekjur, elli – og örorkulífeyrisgreiðslur, greiðslur séreignalífeyrissparnaðar, fjármagnstekjur, erlendar tekjur og ýmsir styrkir.

Upplýsingar um tekjur eru fengnar úr staðgreiðsluskrá og skattframtali fyrir árið 2017. Teljir þú að upplýsingar í lokauppgjöri séu rangar þarft þú að senda inn staðfest gögn frá ríkisskattstjóra sem sýna fram á aðrar heildartekjur fyrir árið 2017.

Skýringar af útreikningsblaði vegna lokauppgjörs 2017

Umsókn nr. – númer umsóknar

Heimilisfang – heimilisfang leiguhúsnæðis

Fjöldi heimilismanna – fjöldi einstaklinga sem voru skráðir í umsókn með lögheimili/búsetu í leiguhúsnæðinu í umræddum mánuði

Grunnfjárhæð – grunnbótafjárhæð m.v. fjölda heimilismanna

Meðaltekjur – meðaltekjur allra heimilismanna 18 ára og eldri skv. upplýsingum frá RSK á umsóknartímabili

Eignir notaðar í útreikningi – eignir allra heimilismanna 18 ára og eldri skv. skattframtali fyrir tekjuárið 2017

Leigufjárhæð notuð í útreikningi – leigufjárhæð sem útreikningur húsnæðisbóta miðast við

Skerðing v/ tekna – skerðing húsnæðisbóta miðað við meðaltekjur á umsóknartímabili

Skerðing vegna húsnæðiskostnaðar – skerðing vegna leigufjárhæðar

Dagafjöldi – dagafjöldi sem er greitt vegna fyrir mánuðinn (miðað er við 30 daga fyrir heilan mánuð)

Bótafjárhæð skv. lokauppgjöri – réttindafjárhæð skv. forsendum í lokauppgjöri

Áður greitt – áður greiddar húsnæðisbætur

Mismunur – mismunur á bótafjárhæð skv. lokauppgjöri og áður greitt

Þá þarf að senda inn staðfest gögn sem sýna fram á aðra eignastöðu fyrir árið 2017 en kemur fram í lokauppgjöri. Þær upplýsingar sem notaðar eru í lokauppgjöri eru fengnar frá Ríkisskattstjóra, úr skattframtali fyrir árið 2017.
Samanlagðar eignir allra heimilismann 18 ára og eldri mynda stofn til útreiknings á eignum. Eignir heimilismanna 18 ára og eldri  umfram 6.500.000 kr. skerða rétt til húsnæðisbóta.

Þá þarf að senda inn upplýsingar um réttan leigutíma ásamt gögnum sem styðja upplýsingarnar.

Húsnæðisbætur eru ekki greiddar lengra aftur í tímann en frá þeim mánuði sem umsókn barst í. Ekki er hægt að fá greiddar húsnæðisbætur nema fyrir þann tíma sem húsaleigusamningur segir til um.

Hafi leigufjárhæð ekki áhrif á útreikning húsnæðisbóta en hefur áhrif á sérstakan húsnæðisstuðning skal ræða við sveitarfélagið og leita lausna þar. 

Nei, inneign vegna lokauppgjörs fer beint til umsækjanda, á bankareikning í hans eigu. 

Hafi heimilismaður flutt úr leiguhúsnæðinu á tímabilinu verður að senda inn gögn sem sýna fram á það svo hægt sé að endurskoða ákvörðun, t.d. gögn frá þjóðskrá sem sýna hvenær lögheimilisflutningur átti sér stað.

Hafðu samband í gegnum fyrirspurnir á mínum síðum, með tölvupósti á netfangið husbot@ils.is og málið verður skoðað

Fjöldi heimilismanna	Neðri tekjumörk á ári	Efri tekjumörk á ári	Neðri tekjumörk á mánuði	Efri tekjumörk á mán	Hámarksbætur á ári	Hámarksbætur á mánuði
1	3.737.000	7.506.276	281.083	625.523	372.000	31.000
2	4.461.064	9.927.672	371.755	827.306	492.000	41.000
3	5.222.710	11.838.648	435.226	986.554	576.000	48.000
4+	5.657.936	12.591.204	471.495	1.049.267	624.000	52.000

Samtals skattskyldar tekjur allra heimilismanna 18 ára og eldri 

• Tekjur undir neðri tekjumörkum skerða ekki rétt til húsnæðisbóta.
• Tekjur yfir efri tekjumörkum skerða húsnæðisbætur að fullu.

Eignamörk :

• Eignir umfram 6.500.000 kr. valda hlutfallslegri skerðingu á húsnæðisbótum.
• Eignir sem nema og umfram 10.400.000 kr. valda fullri skerðingu á húsnæðisbótum.

Já, hægt er að óska eftir endurupptöku á ákvörðun um rétt til húsnæðisbóta. Umsækjandi getur óskað eftir endurupptöku ef hann telur að nýjar upplýsingar og/eða gögn séu til staðar sem sýni fram á að ákvörðun hafi byggst á ófullnægjandi eða röngum upplýsingum, eða leitt til efnislega rangrar niðurstöðu.

Beiðni um endurupptöku skal senda á husbot@ils.is. Taka skal fram þær upplýsingar sem umsækjandi telur að hafi áhrif á ákvörðun og senda gögn eftir því sem við á því til rökstuðnings.

Já. Heildargreiðsla húsnæðisbóta er forskráð á framtal sem aðrar skattfrjálsar greiðslur.

Við útreikning húsnæðisbóta skal miðað við nánar skilgreind tekjumörk út frá fjölda heimilismanna. Með tekjum er átt við allar skattskyldar tekjur.

Frítekjumörk húsnæðisbóta

• Tekjur undir neðri tekjumörkum skerða ekki rétt til húsnæðisbóta.
• Tekjur yfir efri tekjumörkum skerða húsnæðisbætur að fullu.

Umsækjendur um húsnæðisbætur þurfa ekki að endurnýja umsókn sína um áramótin þegar afgreiðsla húsnæðisbóta færist frá Vinnumálastofnun til Íbúðalánasjóðs, ef gild umsókn er fyrir hendi og leigutímabili er ekki lokið samkvæmt umsókn. 

Ef umsækjandi um húsnæðisbætur stefnir á að leigja áfram í leiguhúsnæðinu en leigusamningurinn er tímabundinn og rennur út um áramótin verður að endurnýja leigusamninginn og þinglýsa honum að nýju til að eiga áfram rétt á húsnæðisbótum.

Umsækjendur sem skipta um leiguhúsnæði um áramótin verða hins vegar að sækja um húsnæðisbætur aftur.

Já, ef nýr heimilismaður flytur inn eða barn fæðist þarf umsækjandinn að bæta heimilismanninum á umsóknina sem fyrst til að eiga rétt á húsnæðisbótum miðað við þann fjölda heimilismanna.

Ef umsækjandi er hættur að leigja en skuldar húsnæðisbætur er hægt að semja um skuldina með því að senda tölvupóst á netfangið greidsla@ils.is

Hægt er að sækja um niðurfelingu á skuld með því að fyllta út neðangreint eyðurblað og senda í tölvupósti á netfangið greidsla@ils.is 

Umsókn um niðurfellingu á skuld

Fjármagnstekjuskattur er skattur sem lagður er á eignatekjur einstaklinga utan atvinnurekstrar, þ.e. vaxtatekjur, arð, söluhagnað og leigutekjur. Ef einstaklingur hefur með höndum atvinnurekstur greiðir hann ekki sérstakan fjármagnstekjuskatt vegna fjármagnstekna sem tilheyra atvinnurekstrinum, heldur eru þær skattlagðar eftir sömu reglum og gilda um aðrar tekjur í rekstrinum.

Sjá nánar um fjármagnstekjur á heimasíðu Ríkisskattstjóra.

Það er skilyrði fyrir greiðslum húsnæðisbóta að umsækjandi sé með fasta búsetu í leiguhúsnæðinu og eigi þar skráð lögheimili. Umsækjandi sem á lögheimili á Íslandi en býr tímabundið erlendis telst ekki með fasta búsetu þar sem hann á lögheimili og á því ekki rétt á húsnæðisbótum á meðan hann býr erlendis.

Við útreikning á húsnæðisbótum skal miða við tekjur sem koma til á sama tímabili innan hvers almanaksárs og greiðslur húsnæðisbóta standa yfir. Þegar réttur til húsnæðisbóta miðast við hluta úr almanaksári er tekið mið af þeim tekjum sem koma til á leigutímabilinu.

Áréttað er að fjármagnstekjur geta þó haft áhrif á útreikning húsnæðisbóta.

Þeir sem greiða vaxtagjöld af lánum vegna kaupa eða byggingar á íbúðarhúsnæði til eigin nota geta átt rétt á vaxtabótum og sama á við um þá sem keypt hafa búseturétt eða eignarhlut í kaupleiguíbúð. Rétturinn stofnast á því ári þegar íbúð eða eignarhluti er keyptur eða bygging er hafin. Vaxtabætur ákvarðast samkvæmt upplýsingum á skattframtali og til að fá vaxtabætur þarf að gera sundurliðaða grein fyrir lánum og vaxtagjöldum.

Sjá nánar um vaxtabætur á heimasíðu Ríkisskattstjóra.

Hægt er að segja upp húsnæðisbótum með því að skrá sig inn á mínar síður og tilgreina dagsetningu uppsagnar. Einnig er hægt að senda tölvupóst á netfangið husbot@ils.is með upplýsingum um leigutaka og frá og með hvaða tíma húsnæðisbótum er sagt upp.

Já. Umsækjandi með gilda umsókn um húsnæðisbætur þarf að sækja um aftur ef hann flytur í nýtt húsnæði.

Heimilismenn sem flytja í nýtt húsnæði þurfa jafnframt að tilkynna um breytingar til Íbúðalánasjóðs þegar þeir flytja og tilgreina hvaða dagsetningu þeir fluttu. Ef nýr heimilismaður flytur inn þarf einnig að tilkynna það. Tilkynning um þessar breytingar er hægt að gera í gegnum Mínar síður eða senda okkur tölvupóst á husbot@ils.is.

Já. Foreldri sem fær barnið sitt til sín að lágmarki í 30 daga á ári getur skráð barnið sitt sem heimilismann jafnvel þó barnið sé með lögheimili hjá hinu foreldrinu. 

- Þeir sem taka á leigu íbúðarhúsnæði sem er í eigu ríkisins eða sveitarfélaga.

Ef þú telur þig hafa skráð rangar upplýsingar í umsókn, bendum við þér á að fara inn á mínar síður og uppfæra þær. Þá má einnig senda tölvupóst á husbot@ils.is eða hafa samband í síma 569-6900. 

Í nýjum lögum um húsnæðisbætur kemur fram að nota skuli nýjustu upplýsingar sem völ er á við útreikning húsnæðisbóta. Þar kemur einnig fram að allar skattskyldar tekjur eru notaðar við útreikning. Ef þú telur að útreikningurinn sem þú hefur fengið er rangur, t.d. of háar tekjur eða eignir, er mögulegt að senda okkur launaseðla eða önnur gögn sem sýna rétta tekju- eða eignastöðu og við leiðréttum útreikninginn. Hægt er að senda okkur upplýsingar og gögn á netfangið husbot@ils.is eða hafa samband við okkur í síma 569 6900. 

Skrá skal allar tekjur fyrir skatt.

Allar skattskyldar tekjur, 18 ára og eldri, teljast til tekna. Þar á meðal elli- og örorkulífeyrisgreiðslur.

Sá sem er aðili að leigusamningi að íbúðarhúsnæði getur sótt um húsnæðisbætur.  Aðrir íbúar teljast heimilismenn í umsókn. Séu fleiri en einn heimilismaður aðilar að leigusamningi um íbúðarhúsnæðið er gert ráð fyrir að heimilismenn komi sér saman um hver þeirra skuli vera umsækjandi um húsnæðisbætur.

Sótt er um húsnæðisbætur rafrænt á heimasíðunni okkar með innskráningu á „mínum síðum“. Umsækjandi verður að vera orðinn 18 ára og vera aðili að húsaleigusamningi. Umsækjandi og aðrir heimilismenn sem eru 18 ára og eldri þurfa að gefa samþykki sitt til upplýsingaöflunar frá öðrum stofnunum eins og Ríkisskattstjóra, sveitarfélögum og Þjóðskrá Íslands.  Ef þörf er á frekari upplýsingum eða gögnum mun Íbúðalánasjóður óska eftir þeim. Ef nauðsynlegar upplýsingar og gögn hafa ekki borist frá umsækjanda innan 45 daga frá þeim degi er umsóknin barst er heimilt að synja umsókn.  

Hægt er að nálgast umsóknareyðublöð á pappír hér. 

Já. Það þarf alltaf að liggja fyrir skriflegur húsaleigusamningur. 

Já. Allar skattskyldar tekjur heimilismanna, 18 ára og eldri, teljast til tekna. Þar á meðal elli- og örorkulífeyrisgreiðslur. Hins vegar eru nokkrar tegundir greiðslna frá Tryggingastofnun ríkisins skattfrjálsar. Slíkar tekjur eru ekki teknar með við útreikning húsnæðisbóta.

Já. Húsnæðisbætur geta aldrei verið hærri en sem nemur 75% af leigufjárhæð sem er greidd fyrir leiguafnot af húsnæði. Aðrar greiðslur sem leigjanda ber að greiða samkvæmt samningi eða lögum, svo sem fyrir hita, vatn, rafmagn, hússjóð, viðhald o.fl., teljast ekki til húsnæðiskostnaðar. 

Nei. Húsnæðisbætur eru skattfrjálsar. 

Nei. Ef einstaklingur, 18 ára eða eldri, er umsækjandi eða heimilismaður í íbúðarhúsnæði á grundvelli samþykktrar umsóknar um húsnæðisbætur getur hann ekki samtímis talist til heimilismanns í öðru húsnæði. Þetta þýðir að sami einstaklingurinn getur ekki verið á tveimur umsóknum á sama tímabili.

Húsnæðisbætur eru lagðar inn á uppgefinn reikning umsækjanda fyrsta dag hvers mánaðar eftir að umsókn hefur verið samþykkt. Einnig er heimilt að gefa upp bankareikning leigusala og eru þá húsnæðisbæturnar lagðar beint inn á reikning leigusala, enda hefur umsækjandi gefið samþykki sitt fyrir þeirri ráðstöfun.